Hazard Finally Said He's Not Leaving This Season. 🧐

Eden Hazard ayaa ugu dambeyn laabta u qaboojiyay taageerayaasha Chelsea isagoona af cad ku sheegay inuusan meel uga socon Blues kal ciyaareedkan.

Hazard ayaa koobkii adduunka kaddib sheegay in laga yaabo inuu ka tago kooxda.

Yeelkeede, inkastuu ka cago jiidayo inuu heshiis cusub u saxiixo Chelsea ayuu misane ugu yaraan xaqiijiyay inuusan ka tagi doonin kal ciyaareedkan.

Suuqa kala iibisiga Premier League ayaa xirmay horaantii bishan, laakiin Spain ayaa furan ilaa dhammaadka bisha iyadoo ay Real Madrid weli baadi goob ugu jirto cidii u badeli lahady booska Cristiano Ronaldo oo kaga biiray Juventus.

“Waad ogtihiin wixii aan iri koobkii adduunka kaddib. Waan ku faraxsanahay halkan, weli ma doonayo inaan ka hadlo midaa,” Hazard ayaa sidaa u sheegay RMC Sport kaddib kulankii xalay ay Chelsea 3-2 uga adkaatay Arsenal.

“Waxyaabo badan ayaa la yiri- waxaan micno lahayn iyo waxkasta.

“Iminka waan faraxsanahay. Weli labo sano ayaa iiga harsan qandaraaskeyga, waana arki doonaa waxa dhaca. Ma tagi doono sanadkaan.

“Suuqa kala iibsiga England kol horey ayuu xirmay. Ciyaartooy waan iibin karnaa balse ma soo iibsan karno.

“Qariib ayay ku noqoneysaa Chelsea haddii ay iska key fasaxaan isla markaana aysan soo shaqo galin ciyaaryahan kale.

“Kulankii Arsenal waan arki karnay in taageerayaashu ay aad ii jecel yihiin. Wanaag ayaan ku dareemayaa halkan. Waan arki donaa waxa dhaca sanad ama labo sano kaddib.”.